Набавен договор
Набавниот договор е договорената набавка за подолг период, на пример годишно снабдување, од која се нарачува во делови. Договорот ја следи вредноста: колку е нарачано, фактурирано и преостанато. Менито е .
Како се прави
- Од одобрена набавна понуда, со Направи договор: договорот ја зема вредноста на понудата и следи Вредност и количина.
- Директно, со Додади запис.
Форма
Во делот Податоци за договор:
| Поле | Значење |
|---|---|
| Почетен датум, Краен датум | Периодот на договорот. Почетниот датум е задолжителен. |
| Тип на следење | Што се следи: Вредност и количина, Вредност, Количина или Нема следење. |
| Вредност | Вредноста на договорот. |
| Предмет, Број, Тип на договор, Тип на постапка, Постапка број | Податоци за јавна набавка или интерна евиденција. |
| Има вариабилни цени | Цените на нарачките може да се разликуваат од договорените. |
| Има повеќе добавувачи | Договорот важи за повеќе добавувачи. Сите се во табот Добавувачи. |
На ставките, Количина за нарачка е колку се нарачува сега. Нарачај го преостанатото ја пополнува за сите ставки, а Исчисти количини за нарачка ја брише.
Посебни табови:
| Таб | Што покажува |
|---|---|
| Делови на следење | Вредноста на договорот и колку од неа е во отворени нарачки, фактурирано, задолжено, одобрено, реализирано и преостанато. Вредноста може да се подели на делови, на пример по години; со Договор следи вредност на делови на следење збирот на деловите мора да е еднаков на вредноста на договорот. |
| Книга на договор | Секој документ направен од договорот, со вредноста и состојбата по него. |
| Добавувачи | Добавувачите на договорот и реализираната вредност по добавувач. |
Другите табови се како кај сите набавни документи: Листа и форма на документ.
Статуси
| Статус | Значење |
|---|---|
| Во изработка, Во процедура, Се чека одобрување | Се подготвува и одобрува. |
| Одобрен | Може да се нарачува. |
| Парцијално процесиран | Дел е нарачан. |
| Целосно процесиран | Сè е нарачано, или е рачно затворен. Се заклучува. |
| Откажан, Истечен, Сторниран | Завршен без да се искористи, или сторниран. |
Следен статус и Следен прогрес
Со Следен статус договорот се одобрува, рачно затвора како Целосно процесиран, откажува или означува како истечен. Од одобрениот договор, по внесување на Количина за нарачка, со Следен прогрес:
| Акција | Што прави |
|---|---|
| Направи нарачка | Набавна нарачка за внесените количини, во изработка: Набавна нарачка. |
| Направи нарачка + Направи приемница + Направи фактура | Нарачката веднаш се одобрува, прима и фактурира. |
Во прозорецот за потврда се внесуваат податоците од документот на добавувачот за тој дел: Прозорецот за потврда.
Акции
Пренос до локација, Пренос од локација, Генерирај продажен документ (продажен договор), Клонирај и Сторнирање на набавен договор.