Набавна фактура
Набавната фактура е обврската кон добавувачот. Таа влегува во неговото салдо и во ДДВ, а се плаќа на банкарскиот извод. Менито е .
Како се прави
- Од набавна нарачка или од приемница, со Направи фактура – се процесира веднаш.
- Директно, со Додади запис.
- Од фактурата на добавувачот, со Скенирање на фактура или од Влезни е-Фактури: Побрз внес на фактури.
- Една фактура за повеќе приемници, со Групно фактурирај од листата на приемници: Побрз внес на фактури.
- Од авансна фактура, со Акции > Набавна фактура.
На фактурата се внесуваат бројот, датумот и износот од фактурата на добавувачот во Надворешен документ. Износот не смее да се разликува од вкупниот износ за повеќе од 1%, а иста фактура од добавувач не може да се процесира двапати во годината: Преглед.
Форма
Во делот Плаќање, Статус на плаќање и Преостанато за плаќање покажуваат колку е платено; табовите Исплати и Трансакции ги покажуваат плаќањата. Другите табови: Листа и форма на документ.
Статуси
| Статус | Значење |
|---|---|
| Во изработка, Во процедура, Се чека одобрување, Одобрена | Директна фактура пред процесирање. |
| Процесирана | Во салдото на добавувачот; стоката сè уште не е примена. |
| Процесирана(Чека за прием) | Приемницата чека. |
| Затворена | Процесирана и сета стока е примена, или фактура без стока. |
| Книжена | Книжена во главната книга преку налог за книжење. |
| Откажана, Сторнирана | Не важи. |
Фактурите со Тип на калкулација Девизна калкулација (увоз) минуваат и низ Чека за калкулација; тие се опишани посебно.
Следен статус и Следен прогрес
Директната фактура се одобрува со Следен статус, а потоа со Следен прогрес:
| Акција | Што прави |
|---|---|
| Процесирај фактура | Фактурата влегува во салдото на добавувачот. |
| Процесирај фактура + Направи приемница | И стоката се прима: Приемница. |
| Процесирај фактура + Направи приемница(Чекај за прием) | Фактурата е процесирана, стоката чека да биде примена. |
| Направи приемница, Направи приемница(Чекај за прием) | Приемница за процесирана фактура без прием. |
Акции и Финансии
| Акција | Што прави |
|---|---|
| Корекција на цена | Одобрение за дополнителен попуст, без враќање на стока. |
| Одобрение од добавувач | Одобрение за избраните ставки, без движење на стоката. |
| Одобрение од добавувач + Набавна повратница | Одобрение и враќање на стоката. |
| Пренос до локација, Пренос од локација | Преносница со избраните ставки. |
| Генерирај продажен документ | Продажна фактура за купувач со истите ставки. |
| Клонирај | Нова фактура во изработка со истите ставки. |
| Сторнирање на набавна фактура | Корекција и сторно. |
Првите пет се опишани во Корекции, враќање и пренос. Финансии ги отвора Исплати и книгите – на коминтенти, ДДВ, материјални ставки, услуги, ваучери, депозити и виртуелни ставки: Книжења и банкарски налози. Експорт има и Експорт банкарски налог.