Набавна нарачка
Набавната нарачка е она што го нарачувате од добавувачот, по кои цени и количини. Од неа се прават приемниците и фактурите. Менито е .
Како се прави
- Директно: отворете , кликнете Додади запис, изберете го добавувачот – адресата, условите за плаќање и валутата се пополнуваат од неговата картичка – внесете го Надворешен документ (на пример од понудата или потврдата на добавувачот) и Ставки: Внес на ставки. Зачувајте.
- Од набавна понуда со Направи нарачка, или од набавен договор со Направи нарачка.
- Од работниот лист за набавка со Креирај документи.
Форма
На табот Прием, Начин на испорака одредува дали нарачката се прима и фактурира одеднаш (Целосно) или во делови (Парцијално): Делумен прием и фактурирање. Другите табови се како кај сите набавни документи: Листа и форма на документ.
Статуси
| Статус | Значење |
|---|---|
| Во изработка, Во процедура, Се чека одобрување | Се подготвува и одобрува. |
| Одобрена | Може да се прима и фактурира. Нарачката мора да има ставки. |
| Парцијално процесирана | Нешто уште не е примено или фактурирано. |
| Целосно процесирана | Сè е примено и фактурирано, или е рачно затворена. Се заклучува. |
| Откажана, Истечена | Нема да се реализира. Се заклучува. |
| Сторнирана | Сторнирана. |
Следен статус и Следен прогрес
Со Следен статус нарачката се одобрува, рачно затвора како Целосно процесирана (кога добавувачот нема да го донесе остатокот), откажува или означува како истечена. Од одобрената нарачка, со Следен прогрес:
| Акција | Што прави |
|---|---|
| Направи приемница | Приемница што веднаш ја прима стоката: Приемница. |
| Направи приемница(Чекај за прием) | Приемница во Чека за прием; стоката се прима подоцна. |
| Направи фактура | Набавна фактура, процесирана: Набавна фактура. |
| Направи приемница + Направи фактура | Прием и фактура во еден чекор. |
| Направи приемница(Чекај за прием) + Направи фактура | Фактурата е процесирана, стоката сè уште не е примена. |
| Направи сметкопотврда | Сметкопотврда – набавка платена веднаш: Сметкопотврда. |
Прозорецот за потврда
Пред акцијата да се изврши, се отвора прозорецот Потврди со заглавието на секој документ што ќе се направи, по еден таб, на пример Приемница и Набавна фактура. Во него се избира нумерирачката серија и датумот, а делот Надворешен документ е празен: внесете Број, Датум и Износ од испратницата или фактурата на добавувачот. Копирај од изворниот документ ги презема податоците од нарачката.
Акции и Финансии
| Акција | Што прави |
|---|---|
| Набавна авансна фактура | Кога на одобрената нарачка има платен аванс: авансна фактура за него. Набавна авансна фактура |
| Депозит | Дел од нарачката се плаќа однапред со сметкопотврда. Нарачка со депозит потоа се завршува со сметкопотврда. Сметкопотврда |
| Синхронизирај количина на ставки | Ги менува количините на ставките од Excel датотека. Примерокот е Експорт во Excel (Скратени ставки) на истата нарачка. |
| Пренос до локација, Пренос од локација | Преносница со избраните ставки: Корекции, враќање и пренос. |
| Генерирај продажен документ | Продажна нарачка за купувач со истите ставки. |
| Клонирај | Нова нарачка во изработка со истите ставки. |
Финансии: Исплати (аванси платени за нарачката) и Книга на коминтенти.