Работен лист за набавка

Работниот лист пресметува што треба да се нарача и од кој добавувач, за да залихата трае одреден број денови. Од предлогот, со едно кликнување, се прават набавните нарачки и преносниците. Менито е НабавкаРаботен лист за набавка.

✓Пред да започнете

• На картичката на производот, во табот Добавувачи: добавувачите на производот, нивната цена, Време на испорака, Минимална количина за нарачка, Нарачка во множители од и Претпочитан добавувач.
• По желба, во табот Информации по локација: Минимална количина во основна единица мерка и Дополни до количина во основна единица мерка за секоја локација, и Дополнување – од добавувач или со пренос од друга локација.

1. Креирајте работен лист

Со Додади запис внесете:

Поле	Значење
Име	На пример „Набавка - Централен магацин“.
Локации, Добавувачи, Категорија на ставки, Бренд, Производител	За кои производи и локации се пресметува. Празно значи сите.
Потрошувачка во последните (денови)	Од кој период се пресметува дневната потрошувачка.
Покриеност (денови)	За колку дена треба да трае залихата по нарачката.
Потрошувачка од	Што се смета за потрошувачка: продажба, малопродажба, производство, составница, требување.
Нарачките во подготовка се сметаат како нарачано	Нарачките во подготовка се бројат како веќе нарачано.
Само под минимум	Предлага само производи чија очекувана залиха е под минималната количина.

2. Пресметајте

Во Акции изберете Пресметај план (замени ги сите линии), или Пресметај план (задржи рачни линии) ако сте додавале или менувале линии рачно. Под полињата пишува кога и кој последен пресметал.

За секој производ и локација:

• Очекувана залиха = на залиха + нарачано + во транзит − отворени нарачки од купувачи − преноси што треба да излезат.
• Ако очекуваната залиха е на или под Мин. количина, се предлага да се дополни до Дополни до.
• Се пресметува и колку е потребно за Дневна потрошувачка × (денови на покриеност + време на испорака), плус минималната количина, минус очекуваната залиха. Се предлага поголемото од двете.
• Добавувачот е оној за дополнување на локацијата, па претпочитаниот добавувач, па единствениот добавувач на производот.
• Количината се заокружува нагоре на цела единица за набавка, се зголемува до минималната количина за нарачка на добавувачот и се заокружува на множителот за нарачка.

Колоната Причина покажува зошто производот е предложен, а Предупредувања – на пример производ без добавувач или производ што се произведува. Линиите може да се менуваат и бришат пред да се креираат документите.

3. Креирајте ги документите

Изберете ги линиите (или ниедна, за сите) и кликнете Креирај документи. Апликацијата прво покажува кои документи ќе ги направи и ги групира по добавувач и локација, со датумот на испорака.

⇄Влијание врз залиха и книги

• Се прави по една набавна нарачка во подготовка за секој добавувач и локација, а за производите што се дополнуваат од друга локација – преносница.
• Линиите од кои се направени документи се бришат од работниот лист.
• Линија без добавувач, или за производ што се произведува, ја блокира набавната нарачка со порака што да се направи.

Нарачките понатаму се одобруваат и процесираат: Набавна нарачка.