Продажба – преглед
Продажниот процес ги води документите од првата понуда до купувачот, до испораката на стоката и фактурата. Сите продажни документи се во менито .
Тек на документите
- Продажна понуда – цени и количини што му ги нудите на купувачот.
- Продажна нарачка – договорената продажба. Се прави од прифатена понуда или директно.
- Испратница – стоката излегува од магацинот.
- Продажна фактура – побарувањето од купувачот. Се прави од нарачката, од испратницата или директно.
Секој чекор може да се прескокне: на пример, фактура со испратница може да се направи директно, без понуда и нарачка. Секој документ што е направен од друг ја чува врската кон него, па низ целиот тек може да се движите од документ до документ.
Плаќање
Уплатите од купувачите се евидентираат на банкарскиот извод и се поврзуваат со фактурите: Банкарски изводи и уплати.
Статуси
Понуда и нарачка минуваат низ одобрување: Во изработка → (Во процедура / Се чека одобрување) → Одобрена. Од одобрената понуда или нарачка се прават следните документи.
| Документ | Статуси по одобрувањето |
|---|---|
| Продажна понуда | Затворена нарачана (направена е нарачка), Затворена договорена (направен е договор), Откажана, Истечена |
| Продажна нарачка | Парцијално процесирана, Целосно процесирана (сè е испорачано и фактурирано), Откажана, Истечена, Сторнирана |
| Испратница | Чека за испорака, Испорачана (стоката е испорачана, сè уште нема фактура), Затворена (испорачана и фактурирана), Сторнирана |
| Продажна фактура | Процесирана(Чека за испорака), Затворена (процесирана и испорачана), Книжена, Сторнирана |
Други продажни документи
Во истото мени се и потенцијалните продажби, продажните договори, авансните фактури, одобренијата, повратните нарачки и задолженијата. Тие ќе бидат опишани во посебни страници.