Корекција и сторно
Процесиран продажен документ не се брише, туку се сторнира. Сторнираниот документ останува како запис во статус Сторнирана, а неговото дејство врз залихата и салдото на купувачот се поништува.
Сторно на документ
- Отворете го документот и кликнете Сторнирај.
- Пред потврдата апликацијата ги прикажува сите документи што ќе бидат сторнирани. Документите направени од избраниот се сторнираат заедно со него. На пример, ако сторнирате испратница, се сторнира и фактурата направена од неа.
- Изберете начин: Означи како сторнирано, Врати во изработка или Избриши.
- Потврдете.
Изборот важи само за документот што го сторнирате. Сите други документи во синџирот секогаш се означуваат како сторнирани, за да остане трага. Затоа Избриши е можно само кога не е опфатен ниту еден друг документ.
Документ направен од нарачка не може да се врати во изработка. Сторнирајте го, а потоа направете го повторно од нарачката.
Сторнираните количини се враќаат на документот од кој се направени, на пример на нарачката, и можат повторно да се испорачаат или фактурираат.
Кога сторното е блокирано
Апликацијата одбива сторно и кажува зошто, кога документот:
- е испратен во е-Фактура и не е откажан таму – прво откажете го во е-Фактура;
- има распределено плаќање – прво распределбата треба да се пренесе или поништи;
- е фискално отпечатен, или е вклучен во затворен дневен финансиски извештај;
- е веќе сторниран, или сè уште не е затворен или целосно процесиран.