Креирање и процесирање преносница

✓Пред да започнете

• Двете локации (Од локација и До локација) постојат и се ваши сопствени локации.
• Постои нумерирачка серија за преносници.
• Ако некоја од локациите е Продавница, на датумот на преносот таа не смее да има отворено нивелирање на цени.

🔑Потребни дозволи

Улогата треба да има дозвола за преглед и креирање преносници, а за промени и за измена. Дозволите ги доделува администраторот на улогата, не на корисникот.

1. Креирајте ја преносницата

1. Отворете МагацинПреносПреносници и кликнете Додади запис.
2. Изберете ја нумерирачката серија. Бројот се пополнува автоматски.
3. Пополнете Од локација и До локација. Тие не смеат да бидат иста локација.
4. Проверете ги датумите: Датум, Датум на книжење и Датум на испорака.
5. Изберете Начин на испорака:
   • Целосно – при одобрување, целата количина на секоја линија се подготвува за испорака и прием одеднаш.
   • Парцијално – стоката може да се испорачува во повеќе делови.
6. Оставете го Директен трансфер вклучен, освен ако стоката ќе патува подолго. Тогаш видете Пренос преку транзитна локација.
7. Зачувајте.

2. Додајте линии

Додајте ги производите и количините во линиите. Линиите може да се увезат и од датотека, или да се скенираат со баркод читач.

• Ако Од локација води бинови, изберете од кој бин се зема стоката. Изборникот покажува колку залиха има во секој бин.
• За производи што се следат по лот или сериски број, внесете ги пред испораката. Без нив испораката ќе биде одбиена.

3. Одобрете ја преносницата

Со Следен статус изберете Одобрена. Системот проверува дека преносницата има линии.

4. Испорачајте и примете

Од одобрената преносница, со Следен прогрес, изберете една од акциите:

Акција	Што прави
Направи испратница	Креира испратница и веднаш ја испорачува стоката.
Направи испратница (Чекај за испорака)	Креира испратница во статус Чека за испорака. Стоката се испорачува подоцна, со Испорачај на самата испратница.
Направи приемница	Креира приемница и веднаш ја прима стоката.
Направи приемница (Чекај за прием)	Креира приемница во статус Чека за прием. Стоката се прима подоцна, со Прими на самата приемница.
Направи испратница + Направи приемница	Испорака и прием во еден чекор, за директен пренос кога стоката стигнува веднаш.

Приемница може да се направи само за количини што се веќе испорачани.

Опцијата „Чекај“ е корисна кога магацинот ја подготвува стоката, а испораката се потврдува откако камионот ќе тргне.

⇄Влијание врз залиха и книги

• Испорака: залихата се намалува во Од локација (запис Пренос излез).
• Прием: залихата се зголемува во До локација (запис Пренос влез).
• Испратница во Чека за испорака и приемница во Чека за прием сè уште не ја менуваат залихата.
• Ако една од локациите е Продавница, автоматски се креираат Приемен лист во трговија и Евиденција во трговија.
• Кај пренос во два чекора стоката помеѓу испорака и прием е во транзитната локација.

5. Затворање

Кога сè ќе биде испорачано и примено, преносницата сама преминува во Целосно процесирана и се заклучува.

Ако дел од стоката нема да се пренесе, преносницата од Парцијално процесирана може рачно да се затвори како Целосно процесирана. Неиспорачаниот остаток останува видлив на линиите како преостаната количина.

Затворање со стока во транзит

Преносницата не може да се затвори додека има испорачана, а непримена стока. Ќе добиете порака дека линијата има испорачана количина која сè уште не е примена. Прво примете ја стоката или сторнирајте ја испратницата.

Печатење

Од преносницата може да се испечатат документот, листа за подигање (за магацинерот што ја собира стоката) и контролна листа за прием без количини, за слепа проверка при прием.

↺Како да се поправи или сторнира

Испорачана или примена стока не се брише, туку се сторнира. Видете Корекција и сторно.